Siglir tar il cuntegn
Valentino Rossi (dretg) ha anc in avantatg da 7 puncts sin Jorge Lorenzo.
Legenda: Valentino Rossi (dretg) ha anc in avantatg da 7 puncts sin Jorge Lorenzo. Keystone

Naziunal/Internaziunal Valentino Rossi u Jorge Lorenzo

Damaun sa decida a Valencia tgi che daventa nov campiun mundial da la classa roiala da MotoGP. Actualmain ha il star talian Valentino Rossi anc in avantatg da 7 puncts sin Jorge Lorenzo, e tuttina ha il Spagnol pli probabel las meglras cartas.

Lorenzo parta numnadamain damaun da la pole-position avant ses cumpatriots Marc Marquez e Dani Pedrosa. Rossi è vegnì oz mo 12avel en la qualificaziun, è tranter auter era cupitgà curt avant la fin. Mo quai emporta tut nagut: «il dottore» sto damaun uschia ni uschia partir da davos, perquai ch'el aveva bittà Marquez davent da la pista en la cursa avant.

Per Valentino Rossi na vegn quai betg simpel da defender l’emprim plaz en il classament ed uschia festivar ses 10avel titel da campiun mundial. Gudogna Jorge Lorenzo a Valencia, lura stuess Rossi vegnir segund. Vegn Lorenzo segund, lura sto Rossi vegnir terz.

RR Sportissimo 17:00

Artitgels legids il pli savens