Las skiunzas svizras festiveschan a San Murezzan ina victoria dubla sensaziunala. Jasmine Flury da Tavau gudogna sia emprima cursa en la cuppa mundiala e quai avant sia collega da team Michelle Gisin dad Engelberg. Gisin è spezialisada sin las disciplinas tecnicas e buc exnum en il Super-G.
Sin il terz plaz – cun in retard da 16 tschientavels – è Tina Weirather dal Liechtenstein. Ella aveva gia triumfà la fin d'emna vargada a Lake Louise.
Lara Gut sa tschenta en las raits da segirtad
Cun uschè in bun resultat svizzer avessan ils pli paucs fatg quint. Quai cunzunt er suenter che Lara Gut è crudada ora cun in bun temp intermediar. La Tessinaisa na para dentant betg d'avair sa fatg mal tar sia crudada.
Ulteriuras quatter atletas svizras han recaltga puncts en la cuppa mundiala. Corinne Suter, plazza 9, Rahel Kopp, plazza 12, Denise Feierabend, plazza 16 e Wendy Holdener, plazza 19.
L'aura ha giugà ina rolla impurtanta
L'aura è stada l'avantmezdi fitg variabla. Las skiunzas svizras han bain savì profitar da bunas cundiziuns cun pauc vent e buna glisch. Autras concurrrentas han gì da cumbatter cun il vent ch'ha midà tut il temp.
RR novitads 12:00