Naziunal/Internaziunal - Vlhova terminescha seria da victorias da Shiffrin
Petra Vlhova ha gudagnà il slalom da notg a Flachau en l'Austria. La Slovacca festivescha si'emprima victoria en in slalom en questa stagiun. En ils emprims tschintg slaloms da la stagiun è Vlhova mintgamain vegnida segunda davos Shiffrin.
Vlhova è stada 15 tschientavels pli sperta che Mikaela Shiffrin ed ha uschia rut la seria da victorias da l'Americana. Terza è la Svedaisa Anna Swenn Larsson.
Meglra Svizra è Wendy Holdener sco tschintgavla. Michelle Gisin è otgavla ed Aline Danioth 11avla.
