Il skiunz Svizzer Ramon Zenhäusern sto laschar operar il polesch sanester. I na saja betg pussibel da spustar l’operaziun anc pli ditg, ha Ramon Zenhäusern confermà vers SRF.
L’operaziun vegnia ad avair lieu glindesdi. Sche tut giaja sco planisà, lura vegnia el a turnar en 1 mais en la cuppa mundiala. Sch’el po uschia sa participar al campiunadi mundial da skis l’entschatta favrer en la Svezia, n’è betg anc cler.
RR novitads 12:00