Naziunal/Internaziunal - ZSC Lions cun dus trenaders novs da la Svezia
Il club da hockey da la citad da Turitg ils ZSC Lions han confermà d’aviar engaschà dus novs trenaders svedais Hans Wallson sco trenader principal e Lars Johansson sco trenader assistent. Els han suttascrit in contract per dus onns.
Legenda:
Ils dus trenaders novs dals ZSC Lions hans Wallson e Lars Johansson.
Keystone
Ils ZSC Lions han confermà d'avair engaschà ils dus trenaders svedais dal club svedais Skelleftea. Skelleftea era ina dals adversaris dal HCD en la Champions League da hockey da la stagiun passada. Sco il schef da sport dals ZSC Lions, Edgar Salis ha ditg, avevan ils dus trenaders svedais integrà savens talents giuvens tar il club da hockey Skelleftea. Quai era per ils ZSC Lions medemamain ina da las pretensiuns impurtantas per l’engaschi dal duo svedais.
