Siglir tar il cuntegn

Header

video
La cursa da Beat Feuz
Or da Sport-Clip dals 22.01.2021.
laschar ir
cuntegn

1. cursa rapida sin la Streif Beat Feuz gudogna per l'emprima giada a Kitzbühl

Suenter ch'el è stà quatter giadas segund, gudogna Beat Feuz per l'emprima giada la cursa legendara al Hahnenkamm. Carlo Janka ha terminà la cursa sin posiziun 6. Urs Kryenbühl è crudà tar il sigl avant l'arrivada.

Il podest

  • Beat Feuz (SUI) 1:53.77
  • Matthias Mayer (AUT) +0.16
  • Domink Paris (ITA) +0.56

Suenter che 30 skiunzs èn stads a la partenza, han ils responsabels decidì da rumper giu la cursa. La cursa ch'è vegnida interrutta pliras giadas vegn dentant valitada.

Beat Feuz gudogna uschia per l'emprima giada sin la Streif e quai cun in avantatg da 16 tschientavels sin Matthias Mayer. Dominik Paris cumplettescha sco terz il podest.

Grond discletg per Kryenbühl

Urs Kryenbühl è crudà, quai tar il sigl a l'arrivada, là nua era avant 12onns Daniel Albrecht è crudà. El è vegnì transportà davent cun in helicopter. Quant ferm ch'el è sa blessà n'è betg enconuschent. Sco Swiss ski communitgescha, saja el stà tar sasez ed haja er enconuschì in dals trenaders.

Ils ulteriurs Svizzers

  • 6. Carlo Janka +1,37 secundas
  • 25. Urs Kryenbühl +3,40 secundas
  • 28. Ralph Weber +4,93 secundas

Er ina fitg buna prestaziun ha mussà il Grischun Carlo Janka. Sco segund meglier Svizzer ha el terminà la cursa sin plaz 6. Urs Kryenbühl ch'è suenter sia crudada anc sa glischnà en l'arrivada cumpara sco 25avel en la rangaziun e Ralph Weber ha terminà la cursa sco 28avel.

RTR novitads 14:00

Artitgels legids il pli savens

Scrollar a sanestra Scrollar a dretga