Legenda:
Blers fans èn era stads ier dumengia durant pliras uras a Falun per animar ils passlunghists durant la cursa da 50 km.
Keystone
cuntegn
Naziunal/Internaziunal - 100’000 aspectaturs dapli che spetgà a Falun
Tut en tut han passa 280’000 aspectaturas ed aspectaturs visità las cursas da passlung e las occurrenzas da siglir dal campiunadi mundial a Falun en Svezia.
A Falun en Svezia èn ids a fin ier ils 50avels campiunadis mundial da skis nordic. Tut en tut hajan passa 280’000 aspectaturas ed aspectaturs visità las cursas da passlung e las occurrenzas da siglir. 100’000 dapli che spetgà sco quai che la federaziun internaziunala da skis FIS communitgescha.
Cun 701 atlets da 58 naziuns saja plinavant vegnì nudà ina participaziun da record. Per la Svizra hai dà ina suletta medaglia a Falun – quai grazia a l'argient da Dario Cologna en il skiatlon.
