Siglir tar il cuntegn

Header

cuntegn

Naziunal/Internaziunal 109 atlets svizzers cumbattan per las medaglias a Rio

La delegaziun svizra per ils gieus olimpics a Rio en la Brasilia cumpiglia 109 atletas ed atlets. Quai è il pli grond dumber dapi 20 onns.

18 dis avant ch’ils gieus olimpics da stad cumenzan a Rio de Janeiro en la Brasilia è il cader svizzer cumplet. La delegaziun svizra è cun 109 atletas ed atlets uschè gronda sco l’ultima giada il 1996 ad Atlanta (115).

Almain 5 medaglias

Il chef de mission svizzer, Ralph Stöckli, quinta cun 5 medaglias per la Svizra tar ils emprims gieus olimpics da stad sin terren sidamerican. Quai è ina medaglia dapli che quai ch’ils atlets svizzers avevan purtà a chasa tar ils ultims gieus a Londra.

Il glindesdi ha la cumissiun da selecziun da Swiss Olympic nominà anc 20 ulteriurs sportists per Rio de Janeiro, tranter auter ha ella decidì l’equipa da chavaltgar e da l’atletica leva.

Artitgels legids il pli savens