Siglir tar il cuntegn

Header

video
Dario Cologna sin ils davos meters a Tavau.
Or da Sport-Clip dals 13.12.2020.
laschar ir
cuntegn

15 km umens Ils Russ procuran per la musica

En la davosa cursa da la cuppa mundiala da passlung a Tavau han ils Russ dà en il tun. Gist quatter Russ èn classads sin ils emprims quatter plazs. Gudagnà ha il grond favurit, Alexander Bolshunov avant Andrey Melnichenko ed Artem Maltsev. Meglier Svizzer è vegnì Dario Cologna sco 14avel.

audio
Intervista cun Dario Cologna suenter ils 15 km a Tavau Nordic
01:10 min, Actualitad dals 13.12.2020.
laschar ir. Durada: 01:10 minutas.

Suenter l'emprima da trais rundas era Dario Cologna anc sin il terz plaz. Encunter la fin han lura dentant las forzas mancà per cumbatter per in ulteriur plaz da podest a sia cursa da chasa. Cun il 14avel plaz ha Cologna dentant tuttina pudì mussar ina reacziun sin las cursas d'avant in'emna a Ruka en la regiun da Kuusamo en Finlanda. La finamira è che la furma constettia lura sin il Tour de Ski che cumenza ils 1 da schaner en la Val Müstair.

Mussar ina buna prestaziun a Tavau han er Roman Furger sco 20avel, Jason Rüesch sco 21avel e Candide Pralong sco 24avel. Betg a la partenza è stà Jonas Baumann. Il passlungist da la Val Schons ha stuì dar forfait perquai ch'el è malsaun.

RTR novitads 15:00

Artitgels legids il pli savens

Scrollar a sanestra Scrollar a dretga