Il podest
- 1. Beat Feuz (Suizra) 1:55,29 minutas
- 2. Johan Clarey (Frantscha) +0,17
- 3. Matthias Mayer (Austria) +0,38
Beat Feut n’è betg da franar. Blers onns ha el manchentà sin la Streif ina victoria.Il Svizzer ha gudagnà era la segunda cursa rapida a Kitzbühel. Quai suenter ch’el aveva gia gudagnà il venderdi l’emprima cursa sin la «Streifۚ». El dastga ussa sa legrar sin il 15avel victoria d'ina cuppa mundiala.
«I na tanscha betg», quai ils pleds da Feuz a l'arrivada. Dentant, qua n'ha el betg gì raschun. La cursa da Feuz cun il numer da partenza 9 n'era betg ideala. Il dischavantatg da la part sura ha el lura dentant pudì egualisar en la part sut.
Ulteriurs Svizzers
- 10. Marco Odermatt +1,32 secundas
- 19. Stefan Rogentin +1,86
- 21. Gilles Roulin +2,01
- 27. Carlo Janka +2,45
- 34. Ralph Weber +3,25
Buna prestaziun era da Marco Odermatt. Il giuven da 23 onns ha mussà ina cursa ordvart curaschusa sin ina da las pli difficultusas pistas dal mund. Il retard da 1,32 secundas è fitg moderà ed el è vegnì premià cun il 10avel rang. Per el è quai l'emprima giada ch'el è en ils top 10 tar ina cursa a val.
