Sin il podest a Cortina d'Ampezzo:
- Ramona Siebenhofer (AUT)
- Nicole Schmidhofer (AUT)
- Ilka Stuhec (SVK)
Cun gudognar er la segunda rapida a Cortina gudogna l'Austriaca da 27 onns gist er sia segunda cursa da la cuppa mundiala. La sonda è Siebenhofer stada quatter tschientavels pli sperta che sia collega d'equipa Nicole Schmidhofer. Sin plazza trais è la Slovacca Ilka Stuhec.
Las Svizras n'han betg savì persvader: Meglra Svizra è Michelle Gisin sin plazza set. Las autras Svizras n'èn betg tranter las meglras 15. Sin plazza nov è ida Lindsey Vonn, ch'è returnada questa stagiun en la cuppa mundiala. En sia segunda cursa da la stagiun actuala ha ella cuntanschì uschia ina plazza en ils top 10.
RR novitads 12:00