-
Bild 1 von 6. Il goli da Juventus Gianluigi Buffon po mo anc guardar, co il bal da Rakitic va en sia rait. Bildquelle: Keystone.
-
Bild 2 von 6. Ivan Rakitic (san.) che giubilescha suenter il gol d'avertura al 1:0. Bildquelle: Keystone.
-
Bild 3 von 6. Ils giugaders da Juventus Turin bandunan la plazza cun «shake hands» da respect cun ils giugaders da Barcelona. Bildquelle: Keystone.
-
Bild 4 von 6. Il trenader dal FC Barcelona Luis Enrique vegn festivà. Bildquelle: Keystone.
-
Bild 5 von 6. La squadra dal FC Barcelona festivescha sia victoria cun il pocal da la Champions League. Bildquelle: Keystone.
-
Bild 6 von 6. Il pocal va a Barcelona en Catalunya cun il 3:1 encunter Juventus Turin. Bildquelle: Keystone.
Cun il pocal da la Champions League ha il FC Barcelona cunquai ina stagiun perfecta. Suenter il campiunadi spagnol ed il Cup èsi uschia la segunda giada (2009) che «Barça» po far il «triple».
Spert l'emprim gol
Entschiet ha il gieu spert cun in gol en la 4. minuta. Là ha Ivan Rakitic sajettà il bal en la rait, quai suenter lavur preparatorica da Neymar ed Iniesta. Lura è suandà in temp che la squadra da Juventus è restada senza gols grazia a ses goli Gianluigi Buffon.
Egualisà pir en segunda mesadad
En la 55avla minuta ha Turin lura fatg il pari. Alvaro Morata ha mess il bal en la rait suenter preparaziun da Lichtsteiner e Tevez.
Predecidì il gieu ha il gol da Luis Suarez en la 68avla minuta al 2:1. Quai suenter ch'il goli da Juventus, Gianluigi Buffon, n'ha betg tegnì enta maun il bal suenter il siet da Lionel Messi. Per il resultat final ha Neymar procurà. Quai mo secundas avant la fin dal gieu.
La prevista avant il gieu:
final CL
RR sportissimo 17:00