Grazia a la victoria da 2 ad 1 cunter Ingoldstadt han ils Bavarais segirà il titel gia avant ch'il campiunadi è a fin, e - nota bene - la quarta giada en roda.
Tantas giadas sco Bayern München n'è nagin auter club da ballape tudestg stà campiun fin ussa.
Sulettamain tranter la segunda e la tschintgavla runda n'è l'equipa betg stada a la testa da la tabella. Suenter 33 partidas ves'i dentant or sco suonda: 27 victorias, 4 paris e 2 terradas. La relaziun da gols è tar 77:16. Sulettamain il club da Borussia Dortmund ha pudì tegnair il tempo da Bayern München. Pervi da Borussia Dortmund han ils Bavarais stuì spetgar enfin la segund davosa runda per gudagnar il titel.
RR novitads 20:00