Tavau ha cumenzà optimal il gieu cunter Bienna. Gia suenter 1:40 minutas manava l’equipa da Christian Wohlwend cun 2:0, quai suenter gols da Fabrice Herzog e Magnus Nygren. Anc en l’emprim terz ha Bienna però pudì egualisar al 2:2. Il gol decisiv è lura reussì al HCD en la 41avla minuta. Strusch che l’arbiter ha dà liber il gieu en il davos terz ha Samuel Guerra tuc al 3:2.
Grazia a questa victoria ha il HCD pudì far in pass enavant en la tabella. Da nov sa chattà Tavau sin il 9avel plaz. Gia dumengia suentermezdi frunta il HCD a chasa sin Friburg Gottéron.
audio
Claude Curdin Paschoud: «Ina buna prestaziun defensiva»
ord RTR Audio dals 12.12.2020.
Maletg: Keystone
laschar ir. Durada: 17 Secundas.