Naziunal/Internaziunal - 3,7 milliuns francs per la promoziun d'atlets svizzers
L'Agid da sport svizzer ha sutegnì l'onn passà radund 700 atlets da 50 disciplinas da sport. Sco quai che la fundaziun scriva è il retgav creschì per 7,4% sin 6,48 milliuns francs. Als atlets è vegnì pajà tut en tut 3,74 milliuns francs.
Il zercladur 2014 aveva l’Agid da sport svizzer preschentà ses nov concept da promoziun. En quel aveva la fundaziun previs da sustegnair atlets cun maximal 18’000 enstagl da 12’000 francs. Plinavant pon dapi l’onn passà era atlets da sports betg olimpics s’annunziar per agid finanzial.
