Siglir tar il cuntegn

Header

Purtret da Dario Cologna durant la cursa.
Legenda: Dario Cologna è vegnì 16avel en la terza etappa dal Tour de ski a Toblach. Freshfocus
cuntegn

3. etappa Tour de ski Ustjugow cun ulteriura victoria a Toblach

Dario Cologna perda bler temp en la cursa da 15 kilometers. La victoria va als Russ.

I n'è betg stà in bun di per Dario Cologna durant la terza etappa dal Tour de ski a Toblach en il Tirol dal sid. Intgins tschient meters avant l'arrivada ha el bain pudì serrar si tar Roman Furger che ha gì in avantatg dad ina minuta. En la discussiun per il podest n'ha el dentant gì nagina pussaivladad da discurrer cun. Ils Russ han fatg furora.

En l'arrivada ha Cologna gì passa ina minuta retard sin il victur dal di Sergej Ustjugow, plaz 16 per il Grischun. Tar l'emprim temp intermediar era il Russ anc en distanza pussaivla da surpassar. Ma a Cologna èn las forzas idas a perder cunter fin da la cursa, Ustjugow ha pir propi dà gas.

video
Cologna: «Igl è davent da l'entschatta stà zai» (intervista tudestga)
Or da Sport-Clip dals 31.12.2019.
laschar ir

«Oz èsi davent da l'entschatta stà zai. Sin ils emprims kilometers hai jau anc empruvà da far il «pushen», hai dentant svelt sentì che la forza manca a mai. Jau hai sperà sin in meglier resultat», ha Cologna dà tiers.

Victoria traidubla russa

Davos Sergej Ustjugow, che ha gia pudì ina victoria d'etappa a Lai, han Iwan Jakimuschkin ed Alexander Bolschunow procurà per in podest russ. Tranter ils megliers 10 èn en tut stads 6 atlets russ.

Ina schleppa hai dentant dà per Johannes Kläbo che ha cumenzà la cursa sco leader. El è sa classà gist davos Cologna sin plazza 17 ed è perquai glischnà en il classament dal tour sin plaz 3 davos Ustjugow e Bolschunow.

RTR novitads 15:00

Artitgels legids il pli savens

Scrollar a sanestra Scrollar a dretga