Siglir tar il cuntegn
Inhalt

Naziunal/Internaziunal 3 etappas dal Tour de ski a Lai

L'enviern proxim datti gist 3 etappas dal Tour de ski a Lai. Sper il sprint da skating da Bumaun, datti a Lai er ina cursa da 30 km en stil classic ed ina da persecuziun sur 10 km.

La seria da cursas da prestige cumenza da Bumaun en l’arena da biatlon a Lantsch cun in sprint da skating.
Legenda: La seria da cursas da prestige cumenza da Bumaun en l’arena da biatlon a Lantsch cun in sprint da skating. RTR, G. Hosang

Las emprimas trais cursas dal Tour de ski da l’onn proxim èn a Lai. La seria da cursas da prestige cumenza da Bumaun en l’arena da biatlon a Lantsch cun in sprint da skating. Il di suenter vegn lura partì en massa a la cursa da 30 km tar ils umens e 15 km tar las dunnas en il stil classic. Ils 3 da schaner è lura la cursa da persecuziun sur 10 km respectiv 5km en il stil da skating.

Suenter cuntinuescha il Tour de ski, la seria da cursas cun totalmain 8 etappas, ad Oberstdorf, Toblach e Val di Fiemme.

RR novitads 12:00