Intervista cun Claude-Curdin Paschoud suenter gieu cunter Ambri
02:21 min, ord Sportissimo dals 02.10.2016.
laschar ir. Durada: 2 minutas 21 Secundas.
Betg cumenzà bain
Il HCD è lura partì meglier en il segund terz ed ha pudì realisar en la 33avla minuta il 1:2. En l'ultim terz è dentant puspè capità il medem sco gia en l'emprim. Suenter mo duas minutas ha il ferm goli da Tavau, Gill Senn, stuì prender il puc or da ses gol. Sis minutas avant la fin pareva il gieu decidì.
HCD mussa caracter
Lura hai dentant puspè dà speranza cun il 2:3 da Gregory Sciaroni. Be gist ina minuta pli tard ha il HCD gia puspè pudì giubilar per il 3:3. Ambri Piotta ha lura pers dal tuttafatg il fil ed uschia è il HCD, gnanc ina minuta pli tard, puspè vegnì tar ina fitg buna schanza. I n'è però ditg betg stà cler sch'il puc è i sur la lingia u betg. Ils arbiters han analisà ditg e lung ils maletgs da video e la fin finala decis ch'i saja gol. Quai è la fin finala stà il gol decisiv dal gieu. Il HCD tira aifer 130 secundas trais gols e gudogna a moda spectaculara en la Valascia cun 4:3.