Siglir tar il cuntegn

Header

Beat Feuz durant la cursa aval a Kitzbühel.
Legenda: Leventa la pulvra da naiv: Beat Feuz durant la cursa aval a Kitzbühel. Keystone
cuntegn

Naziunal/Internaziunal 3 Svizzers tranter ils top 5 a Kitzbühel

Ina bilantscha ordvart positiva per ils skiunzs svizzers tar la cursa aval da Kitzbühel. Gist trais Svizzers èn rangai tranter ils tschintg megliers da la cursa.

Beat Feuz, ch’è gist turnà d’ina ferida e d’ina pausa da plirs mais, ha terminà il classicher sco segund. Carlo Janka è vegnì terz, e per cumplettar la buna prestaziun da l’equipa Svizra è Marc Gisin anc daventà tschintgavel.

La cursa che ha stuì vegnir interrutta pliras giadas ha gudagnà il Talian Peter Fill. Tranter quels ch’eran sgulads sin la pli greva cursa aval dal mund sa chatta era il dominatur da la stagiun, Aksel Lund Svindal. Tant el sco er Hannes Reichelt èn omadus crudads en il medem lieu.

Suenter 30 curriders è la cursa vegnida terminada; quai pervi da motivs da segirezza.

RR novitads 15:00

Artitgels legids il pli savens

Scrollar a sanestra Scrollar a dretga