La norvegiaisa Ingvild Flugstad Östberg ha gudagnà la quarta etappa dal Tour de Ski. En la cursa da persecuziun sur 10 kilomters classic a Toblach è ella stada per 10 segundas pli sperta che sia cumpatriota Therese Johaug. Sin plazza trais è Heidi Weng da la Norvegia.
En il classament general ha Johaug pudì tegnair la posiziun da leadra. Östberg è actualmain sin plazza dus, ella è 23 secundas davos Johaug.
Van der Graaff ha fatg bun puncts
Meglra Svizra è stada Laurien van der Graaff sco 24avla. Partida è ella sco 32avla cun in dischavantatg da 1:39 minutas. Nadine Fähndrich ha smess mardi cun il Tour de Ski pervia da malsogna.
RTR novitads 14:00
