Naziunal/Internaziunal - 5 novas disciplinas als gieus olimpics il 2020
Tar ils gieus olimpics il 2020 a Tokio vegnan per l'emprima 5 novas disciplinas a far part dal program. Il comité olimpic internaziunal ha decis che baseball/softball, carate, skatebord, surfing sco er raiver sportiv daventian disciplinas olimpicas.
Il comité executiv da l'IOC aveva proponì las disciplinas. Criteris per l'elecziun eran che las disciplinas sajan popularas en il Giapun ed attractivas per la giuventetgna. Uschia crescha il dumber da disciplinas olimpicas da stad da 28 sin 33.
