Siglir tar il cuntegn

Header

Roger Federer triumfescha avant il public indigen a Basilea.
Legenda: Roger Federer triumfescha avant il public indigen a Basilea. EQ Images
cuntegn

Naziunal/Internaziunal 7avel triumf da Federer als Swiss Indoors

Roger Federer gudogna danovamain ses turnier da chasa, ils Swiss Indoors a Basilea. En il final da tennis ha Federer battì ses rival Spagnol Rafael Nadal en trais sets cun 6:3, 5:7 e 6:3.

Suenter tschintg terradas en seria encunter Rafael Nadal èsi puspè reussì a Roger Federer da batter ses grond rival, quai avant ils fans da chasa. Cunquai festivescha Federer il 7avel titel als Swiss Indoors ed il 88avel titel insumma sin la turnea da la ATP.

Roger Federer ha persvas en l'emprim set ed er al cumenzament dal segund set. A la fin da quel ha il Svizzer fatg inqual sbagl che Nadal ha nizzegià ed uschia pudì egualisar il gieu. En il terz set decisiv ha Federer puspè prendì il gieu enta maun e la finala pudì far il sulet break. Cunquai ha il Svizzer era pudì defender ses titel a Basilea.

Artitgels legids il pli savens

Scrollar a sanestra Scrollar a dretga