Naziunal/Internaziunal - 8avla victoria per Hamilton
Ina clera victoria festivescha il pilot da Mercedes Lewis Hamilton tar il Grond premi dal Giapun. Il Brit gudogna cun in grond avantatg avant ses collega da squadra Nico Rosberg. Terz e quart vegnan ils dus pilots da Ferrari Sebastian Vettel e Kimi Räikönen.
Igl è gia l'otgavla victoria per Lewis Hamilton en questa stagiun. En il classament general ha el uss 48 puncts avantatg sin Rosberg. La squadra svizra da Sauber n'a fatg nagins puncts - Marcus Ericsson è arrivà sin plazza 14 e Felipe Nasr è crudà ora.
