Trais rundas avant la fin da la stagiun ha la squadra da Turin gudagnà cunter Sampdoria Genua cun 2:0. Quai suenter ils gols da Cristiano Ronaldo e Miralem Pjanic. Entras la victoria ha la squadra dal trenader Maurizzio Sarri duas partidas avant la fin gia 7 puncts avantatg sin Inter.
Strusch concurrenza
La squadra da Juventus n'ha betg adina persvadì suenter la pausa da corona è dentant stà pli constat ch'ils ulteriurs concurrents. Cunzunt Lazio Roma ch'aveva avant la crisa da corona sulettamain in punct pli pauc ha suenter la crisa trumpà.
Dapi l'AC Milan il 2011 n'è Juventus betg pli da detronisar. I n'emporta betg con bain che la concurrenza gioga a la fin ha la squadra da Turin simplamain las pli grondas resursas. Quai han er las ultimas emnas mussà.
audio
Per tadlar: Las novitads da las 07:00
ord Novitads dals 27.07.2020.
Maletg: RTR
laschar ir. Durada: 5 minutas 2 Secundas.