A Bencic gartegia comeback

Tar ses comeback gudogna la giugadra da tennis svizra Belinda Bencic gist il turnier da Sankt Petersburg. En il final batta la giuvna da 20 onns Dajana Jastremska da l'Ucraina ch'è mo 17 onns veglia e quai cun 6:2 e 6:3.

Belinda Bencic. Bild in Lightbox öffnen.

Legenda da maletgs: Il comeback da Belinda Bencic è gartegià (maletg d'archiv). Reuters

Cun questa victoria dal turnier a Sankt Petersburg ch'è dotà cun 100'000 dollars è il comeback entiramain gartegià. Las davosas partidas aveva Belinda Bencic dà l'avrigl. Silsuenter ha ella laschà operar la chanvella sanestra, ch'aveva adina puspè procurà per problems.

Rangaziun mundiala

In emprim pass è era reussì ad ella en la rangaziun mundiala. Avant il turnier era ella anc sin plazza 312, glindesdi vegn ella ad esser al cunfin tar ils top 200.

RR novitads 12:00