Il Canadais è pront per il campiunadi mundial. Ensemen cun sia equipa vul el far furori sco il 2013 nua che la Svizra aveva gudagnà a Stockholm la medaglia d’argient.
Andres Ambühl va per la 12avla giada
Pront è era Andres Ambühl dal club da hockey da Tavau. Per Ambühl è il turnier en Tschechia gia il 12avel da sia carriera. Per el èsi cler da dar suenter ina lunga stagiun anc il campiunadi mundial en il dress da l’equipa naziunala.