Naziunal/Internaziunal - A la tschertga d'in nov trenader
Fabio Capello n'è betg pli trenader da l'equipa naziunala da ballape russa. La federaziun russa e Capello hajan schlià il contract - che cuzzass atgnamain enfin il campiunadi mundial dal 2018 - «en enclegientscha vicendaivla».
Capello aveva surpiglià il post da trenader il 2012.
La raschun da schliaziun dal contract èn ils nauschs resultats en la qualificaziun per il campiunadi d'Europa il 2016. La Russia è mo sin plazza 3, quai cun 8 puncts retard sin l'Austria e 4 sin la Svezia.
Tgi che daventa successur da Capello na san ins anc betg.
