Henrik Kristoffersen gudogna avant Marcel Hirscher e Alexander Choroschilow. Dus Svizzers rivan la fin finala en ils top 20. Daniel Yule daventa 13avel e Ramon Zenhäusern 17avel. Il terz svizzer Luca Aerni è croda ora en il segund percurs.
Felix Neureuther dominescha emprim percurs
Il Tudestg Felix Neureuther parta sco emprim curridur en il percurs da slalom da notg a Schladming (AUT). La plazza in na dat el lura betg pli giu. Cun in avantatg da 0.53 secundas sin il talian Stefano Gross e cun 1.1 secundas sin il norvegiais Henrik Kristoffersen era el pia sin buna via da gudagnar il slalom da Schladming.
Marcel Hirscher cun grond discletg e suenter cletg
L'Austriac era partì ferm en l'emprim percurs. Dentant ha el lura pers adina dapli temp. La fin aveva el in retard da 2:59 secundas sin il emprim Neureuther. Il motiv eran ils vaiders dals egliers. Quels eran vegni montads fallì. Uschia ha il vaider oxidà e Marcel Hirscher ha vis bunamain nagut. Lasuenter è el stad nar suenter il emprim percurs. Las schanzas sin in bun resultat eran mo pli minimas.
Enfin ussa ha il um da service montà ils vaiders 170 giadas endretg. Oz dentant betg. La saira è finida. Shit happens!
La cursa na era dentant ensumma anc betg sta a fin. Marcel Hirscher ha mussa in fetg bun segund percurs e tirs han ils auters favorits fatg sbagls. Uschia che Marcel Hirscher è la fin finala daventa segund. Mo Henrik Kristoffersen ha pudì evitar ina victoria da l'Austriac.
RR novitads 23:00