Siglir tar il cuntegn

Naziunal/Internaziunal A Novak Djokovic smanatscha ina pausa pli lunga

Pervia d’ina blessura vid in cumbel manchenta il giugader da tennis serb probablamain il turnier dal US Open.

Purtret Novak Djokovic
Legenda: Novak Djokovic sto far ina pausa per curar sia blessura dal cumbel. Keystone

Sco ses medi ha ditg envers medias serbas saja quai pussaivel che Djokovic crodia ora per plirs mais ni stuessi insumma interrumper la stagiun actuala. I saja impurtant ch'el fetschia uss ina pausa.

Il numer quatter dal mund è gia dapi in temp blessà. En il quart final dal turnier da Wimbledon ha el stuì capitular cunter il tschec Thomas Berdych. Damaun vul Djokovic orientar la publicitad ad ina conferenza da medias co vinavant.

RR novtiads 10:00