Ad interim l’ultima emna per Federer tranter ils top 10

Roger Federer ha cumenzà oz sia ultima emna tranter ils top 10 da la rangaziun mundiala quai almain per il mument. Uschia vegn Federer ad esser a partir da glindesdi sin il pli anc 15avel meglier dal mund tenor la glista da ATP.

Roger Federer è sa blessà. Bild in Lightbox öffnen.

Legenda da maletgs: Pervi da blessuras n'è Roger Federer betg pli tranter ils 10 megliers giugaders dal mund. Keystone

Federer che sa prepara il mument sin ses comback l’entschatta schaner vegn a perder questa emna 90 puncts da Paris-Bercy 2015 ed era anc 1000 puncts dals finals da l’ATP da l’onn passà. Quai ina regulaziun speziala tar la glista da l’ATP che resguarda normalmain tut ils resultats da las ultimas 52 emnas. En ina emna ha Federer uschia anc 2130 puncts e vegn uschia ad esser sin il pli sin posiziun 15.

Manchentà il record da Jimmy Conners

Federer è stà en roda 14 onns tranter ils 10 megliers giugaders da tennis dal mund. Ils 14 d’october 2002 era Federer sco giuven um da 21 onns vegnì e restà tranter l’elita da tennis dal mund ed è uschia restà per 735 emnas tranter ils top 10. In onn manca dentant anc per batter il record per il futur da l’anteriur giugader american Jimmy Conners. Lez è stà 788 emnas senza interrupziun tranter ils top 10 e quai tranter ils onns 1973 e 1988.

RR novitads 15:00