Siglir tar il cuntegn

Header

audio
A Gino Caviezel e Sandro Simonet mancan ils fans al Chuenisbärgli.
Or da Actualitad dals 09.01.2021.
laschar ir. Durada: 03:03 minutas.
cuntegn

Adelboden Aura e pista top – atmosfera flop

Quest onn èsi quiet enturn las cursas al Chuenisbärgli. Malgrà ch’ils skiunzs procuran per spectacul sin ina da las pli grevas pistas en il circus da skis è l’atmosfera morta ad Adelboden. Ils millis e millis fans cun bandieras e plumpas mancan.

I manca insatge, i manca insatge grond ed jau sper ch’jau possia puspè parter l’onn proxim davant ina culissa da fans.
Autur: Gino Caviezelspezialist slalom gigant

Er a l’ur da la pista sa chattan sulet intgins funcziunaris e trenaders. Per tut ils fans è l’access a l’areal da cursas serrà. Plinavant datti controllas sin tuts mauns. Las prescripziuns da corona èn immensas.

Quella giada poss jau ir a spass tras il vitg dad Adelboden senza vegnir disturbà.
Autur: Sandro Simonetspezialist slalom

La festa da skis manca quest onn ad Adelboden. Donn, pertge tut fiss stà pront. L’aura è perfetga, la pista al Chuenisbärgli cumpacta ed en in stadi sensaziunal, e lura èn er ils Svizzers en furma. Tant en la disciplina slalom sco er en la disciplina slalom gigant ha Swiss Ski uss atlets che pon gudagnar, insatge ch’ha mancà sur onns.

fans Adelboden
Legenda: Damai che la tribuna manca en l'arrivada han ils vischins uss ina vista sin la pista. Quai èn era gist ils sulets fans al Chuenisbärgli. Keystone

Actualitad 08:00

Artitgels legids il pli savens

Scrollar a sanestra Scrollar a dretga