I manca insatge, i manca insatge grond ed jau sper ch’jau possia puspè parter l’onn proxim davant ina culissa da fans.
Er a l’ur da la pista sa chattan sulet intgins funcziunaris e trenaders. Per tut ils fans è l’access a l’areal da cursas serrà. Plinavant datti controllas sin tuts mauns. Las prescripziuns da corona èn immensas.
Quella giada poss jau ir a spass tras il vitg dad Adelboden senza vegnir disturbà.
La festa da skis manca quest onn ad Adelboden. Donn, pertge tut fiss stà pront. L’aura è perfetga, la pista al Chuenisbärgli cumpacta ed en in stadi sensaziunal, e lura èn er ils Svizzers en furma. Tant en la disciplina slalom sco er en la disciplina slalom gigant ha Swiss Ski uss atlets che pon gudagnar, insatge ch’ha mancà sur onns.
Legenda:
Damai che la tribuna manca en l'arrivada han ils vischins uss ina vista sin la pista. Quai èn era gist ils sulets fans al Chuenisbärgli.
Keystone