Siglir tar il cuntegn

Header

audio
Cursa da Gino Caviezel a fin suenter paucas secundas.
Or da Actualitad dals 08.01.2021.
laschar ir. Durada: 02:13 minutas.
cuntegn

Adelboden In di d’emblidar per Gino Caviezel

L’emprim slalom gigant dad Adelboden è dal tuttafatg ì en las chautschas per Gino Caviezel. Sco gia avant in onn è sia cursa stada a fin strusch che quella ha cumenzà. Caviezel è crudà ora suenter paucs meters.

Il mument datti pauc da rir tar ils Caviezels. Ier è il frar Mauro sa blessà en il trenament a Garmisch-Partenkirchen, oz sto Gino magunar ina terrada al Chuenisbärgli, sin questa plaunca da chasa ch’el sa senta atgnamain detg bain. Che l’accident da Mauro haja gì in’influenza sin sia cursa na lai Gino però betg valair. Els sa muventian savens al limit, accidents tutgian tar il sport da skis, uschia Gino Caviezel.

Mirar enavant

Star sin pes, mirar enavant e betg perder l’energia e la speranza, quai uss la devisa. Durant che Mauro sto dentant avair pazienza da pudair turnar enavos sin pista survegn il frar Gino gia damaun la schanza da far revantscha. Quest onn vegn manà atras dus slaloms gigants sin la plaunca legendara dal Chuenisbärgli ad Adelboden.

Actualitad 17:00

Artitgels legids il pli savens

Scrollar a sanestra Scrollar a dretga