Siglir tar il cuntegn

Header

audio
Bernhard Schär da Radio SRF ha rapportà per la davosa giada da las cursas da skis ad Adelboden.
Or da Actualitad dals 10.01.2021.
laschar ir. Durada: 03:55 minutas.
cuntegn

Adelboden La legenda da radio Berni Schär di adia

Durant trais decennis ha Bernhard Schär rapportà per il Radio SRF da las cursas da skis ad Adelboden. Uss è questa èra a fin. Schär ha prendì cumià dal Chuenisbärgli e va a la fin da la stagiun da skis en pensiun.

Sia derniera ad Adelboden ha Schär franc mess avant auter, cun ina festa da skis cun millis e millis da fans sco quai ch’ins enconuscha las cursas da la cuppa mundiala ad Adelboden. Ma er uschia ha Berni Schär rapportà cun corp ed olma da las cursas al Chuenisbärgli. Quai ha el adina fatg cun gronda passiun.

Ils success svizzers

Il pli bain sa regorda el sa chapescha dals success svizzers sin quella plaunca legendara dal Chuenisbärgli, principalmain dal triumf da Michael von Grünigen il 1996, da la victoria da Didier Cuche il 2002 e sa chapescha dals dus success da Marc Berthod il 2007 ed il 2008. E betg d’emblidar, avant in onn ha Berni Schär dastgà commentar il success da Daniel Yule en il slalom.

Andreas Wieland e Bernhard Schär
Legenda: da san. Bernhard Schär (SRF) ed Andreas Wieland (RTR) Andreas Wieland

Actualitad 17:00

Artitgels legids il pli savens

Scrollar a sanestra Scrollar a dretga