Siglir tar il cuntegn

Header

audio
Discurs cun Sandro Simonet suenter la proxima terrada ad Adelboden.
Or da Actualitad dals 10.01.2021.
laschar ir. Durada: 03:49 minutas.
cuntegn

Adelboden Ulteriura trumpada per Sandro Simonet

La finamira era da far pasch cun la plaunca dal Chuenisbärgli e finalmain gudagnar ils emprims puncts da la cuppa mundiala a quest classicher da chasa. Ma er la tschintgavla cursa da slalom è ida en las chautschas per Sandro Simonet da Casti.

Er quest onn sto Sandro Simonet persequitar il segund percurs dal slalom dad Adelboden ord la chombra d’hotel, sco gia ils davos quatter onns. Il skiunz rumantsch da 25 onns n’è insumma betg vegnì sin turas ed ha terminà l’emprim percurs cun in retard da 2,42 secundas be sin il 35avel plaz.

I n’haja funcziunà nagut, quai gia a la partenza, uschia Simonet avant che bandunar l’arrivada cun il chau a bass. La devisa saja uss d’emblidar tant pli spert questa cursa e mirar enavant. Las proximas emnas spetgan ulteriurs classichers, l’emprim il slalom da Wengen, lura quel da Kitzbühel e be dus dis pli tard il slalom da notg a Schladming.

Actualitad 17:00

Artitgels legids il pli savens

Scrollar a sanestra Scrollar a dretga