Siglir tar il cuntegn

Naziunal/Internaziunal Adversaris attractivs per YB

Ils Bernais fruntan en lur emprima Champions League sin Juventus Turin, Manchester United e Valencia.

YB che sa legra.
Legenda: YB frunta en la Champions League sin adversaris attractivs. Keystone

Ils Young Boys da Berna dattan en lur emprima participaziun a la Champions League cunter adversaris attractivs. En la gruppa H fruntan els sin Juventus Turin, Manchester United e e Valencia. Uschia vegni tar duels cun Cristiano Ronaldo da Juventus Turin u cun il trenader renumà José Mourinho da Manchester United.

YB n'ha anc mai giugà cunter ina da questas squadras. L'emprima runda da la Champions League è mardi e mesemna, ils 18 e 19 da settember.

Las ulteriuras gruppas:

  • Gruppa A: Atlético Madrid, Borussia Dortmund, Monaco, Brügge
  • Gruppa B: Barcelona, Tottenham Hotspur, PSV Eindhoven, Inter Milan
  • Gruppa C: Paris Saint-Germain, Napoli, Liverpool, Roter Stern Belgrad
  • Gruppa D: Lokomotive Moscau, Porto, Schalke, Galatasaray Istanbul
  • Gruppa E: Bayern München, Benfica Lissabon, Ajax Amsterdam, AEK Athen
  • Gruppa F: Manchester City, Schachtar Donezk, Lyon, Hoffenheim
  • Gruppa G: Real Madrid, Roma, ZSKA Moscau, Viktoria Pilsen

RR novitads 20:00