Legenda:
Aegerter perda sia victoria al Grond Premi da San Marino avant in mais.
Keystone
cuntegn
Naziunal/Internaziunal - Aegerter disqualifitgà a Misano
Sia equipa haja duvrà in ieli dal motor che na saja betg stà lubì. Perquai han ins disqualifitgà Aegerter posteriuramain. Quai è vegnì enconuschent a l’ur da la cursa en il Giapun.
Aegerter perda sia victoria perquai che sia equipa haja duvrà in ieli dal motor cha na saja betg stà lubì. Quai è vegnì enconuschent suenter ina controlla posteriura. Uschia erta Tom Lüthi l’emprim plaz da ses cumpatriot. Sin plaz dus vegn uss Hafizh Syahrin da la Malaisia e Francesco Bagnaia da l'Italien sin plaz trais.
En il classament general è Lüthi cun quai be pli 19 puncts davos sin il Talian Franco Morbidelli. E quai trais cursas avant la fin da la stagiun.
