Siglir tar il cuntegn

Header

Aita Gasparin, la sora giuvna da Selina, è dapi la stagiun 2012/2013 commembra dal cader A da Swiss Ski.
Legenda: Aita Gasparin, la sora giuvna da Selina, è dapi la stagiun 2012/2013 commembra dal cader A da Swiss Ski. Keystone
cuntegn

Naziunal/Internaziunal Aita Gasparin pronta per la nova stagiun

Durant in’emna han biatletas e biatlets da la naziunala svizra pudì trenar a Lantsch sin la naiv. Quai grazia ad ina nova tecnologia da producir naiv che sa numna Snowfactory. Da la partida èn er stadas las trais soras Gasparin.

Durant che Selina Gasparin, la pioniera da biatlon en Svizra, turna suenter in onn pausa puspè enavos en la cuppa mundiala, vai per Elisa Gasparin da confermar ils buns resultats da la stagiun passada. Far in pass enavant e fitgar pe en la cuppa mundiala vul ussa dentant er la sora giuvna Aita Gasparin. Ella ha pudì trenar sco giavischà durant ils mais da stad e sa legra che la nova stagiun da biatlon va prest liber.

Cumenzà cun gimnastica d’urdains

Aita Gasparin aveva cumenzà sia carriera sportiva cun gimnastica d’urdains e passlung, lura midà il 2010 sin il sport da biatlon. Dapi la stagiun 2012/2013 è la biatleta da 21 onns commembra dal cader A da Swiss Ski.

La nova stagiun 2015/2016 da biatlon cumenza la fin da november cun las emprimas cursas da la cuppa mundiala ad Östersund en Svezia. Il punct culminant suonda lura l’entschatta da mars cun ils campiunadis mundials ad Oslo en Norvegia, al pe dal Holmenkollen.

Artitgels legids il pli savens

Scrollar a sanestra Scrollar a dretga