Siglir tar il cuntegn

Header

Navigaziun

balla en il gol vid la rait.
Legenda: Keystone
cuntegn

Naziunal/Internaziunal Ajax dumogna la sensaziun – Barcelona senza miseria en mezfinal

Ajax ha battì Juventus Turin cun 2:1. Barcelona ha gudagnà en il gieu da return cunter Manchester United cun 3:0.

Ajax eliminescha Juventus

Ad Ajax è gartegià la proxima sensaziun. Ils Ollandais, ch'avevan gia battì en il quartfinal Real Madrid, han uss er gudagnà cunter Juventus Turin cun 2:1. L'emprim gieu era ì a fin cun in pari dad 1:1.

Cun il gol cun il chau ha Ronaldo procurà che Juventus è ì en avantatg suenter 28 minutas. Be 6 minutas pli tard ha Van de Beek pudì egualisar. Il gol decisiv ha De Ligt sajettà cun il chau en la 67avla minuta.

Barcelona luc en il mezfinal

Igl è l'emprima giada dapi il 2015 che Barcelona è en il mezfinal da la Champions League. Suenter che Barcelona ha gudagnà ordvart cun 1:0 han els er gudagnà a Camp Nou cun 3:0. Ils emprims dus gols ha Messi fatg en la 16avla e 20avla minuta. En la 61avla minuta ha Coutinho sajettà il terz e davos gol.

Be a l'entschatta dal gieu ha Manchester anc pudì sperar. Suenter 40 secundas aveva Rashford tutgà la latta dal gol.

RR novitads 23:00