Svindal, il dominatur da la Norvegia, ha gudagnà enfin uss 32 cursas da la cuppa mundiala. 7 da quellas ha el gudagnà durant questa stagiun.
Per la Svizra ha sulettamain Carlo Janka dumagnà il pass en ils top 10. El è vegnì 9avel cun in retard da 95 tschientavels sin Svindal. Beat Feuz, ch'aveva dà ses Comeback l'emna passada a Wengen è vegnì 16avel. Suenter la cursa ha el annunzià ch'el parti er per la cursa rapida da sonda proxima.
Quest Super-G vala sco cursa singula, quinta dentant er per la cumbinaziun. Il slalom da la cumbinaziun cumenza a las 16:45 uras.
RR novitads 14:00