Siglir tar il cuntegn
cuntegn

Naziunal/Internaziunal Aksel Svindal chala suenter Are

Il Norvegiais Aksel Lund Svindal terminescha sia carriera suenter ils campiunadis munidals ad Are. Quai ha'l communitgà sonda a l'ur da las cursas da Hahnenkamm a Kitzbühel.

Legenda: Tadlar il audio Mezdi: Aksel Lund Svindal chala suenter ils campiunadis mundials. Durada 01:41 minutas.
01:41 min, Sportissimo dals 27.01.2019.

In dals gronds cala. Aksel Lund Svindal vul chalar suenter ils campiunadis mundials da skis alpin ad Are il favrer. Cun 2 titels da campiun olimpic, 5 da campiun mundial e cun ina victoria en il classament general da la cuppa mundiala è Svindal in dals skiunzs cun il pli grond success da l'istorgia.

Blessuras veglias che restan problem

Cun ils problems en il schanugl dretg na possia el betg continuar sia carriera. Il schanugl dretg ch'el aveva blessà cun ruclar avant 3 onns en la cursa rapida a Kitzbühel ed aveva rut ils bindels cruschads ed il meniscus. Pervi da quels problems ha Svindal era stuì ceder e laschar star la cursa rapida ed il super-G a Kitzbühel ils ultims dis.

Svindal vul ussa sa concentrar sin ils campiunadis mundials – ses finals. Il pli impurtant saja da sa preparar, uschia ch'el haja la schanza da gudagnar ad Are. Ils campiunadis mundials cumenzan ils 6 da favrer cun il super-G.

RR novitads 10:00