Naziunal/Internaziunal - Alex Fiva manchenta podest a Park City
Al campiunadi mundial da skicross ha il Grischun Alex Fiva manchentà cnap il podest. Gudagnà la cursa ha il Franzos François Place avant ils Canadais Brady Leman e Kevin Drury.
Tar las dunnas ha Fanny Smith gudagnà la medaglia d'argient. Per Smith è quai la quarta medaglia ad in campiunadi mundial. Il 2013 aveva ella gudagnà aur, il 2015 bronz ed il 2017 argient. L'autra Svizra en il final Sanna Lüdi è daventada quarta. Gudagnà la concurrenza ha la Canadaisa Marielle Thompson. Terza è vegnida la Franzosa Alizee Baron.