Alexis Pinturault è il mument la gronda figura en la disciplina slalom gigant. Er a Kranjska Gora n’ha el laschà nagina schanza a la concurrenza e gudogna cun in avantatg da 47 tschientavels sin Philipp Schörghofer. Marcel Hirscher sco terz ha pers 69 tschientavels sin il Franzos.
Dus Svizzers en ils top 15
Ina buna prestaziun han er ils dus Svizzers Justin Murisier e Carlo Janka mussà. Murisier è vegnì 10avel cun in retard da 2,16 secundas sin Pinturault. Janka è vegnì 12avel cun in retard da 2,19 secundas. Crudà ora en il segund percurs è il Grischun Gino Caviezel ch’era suenter l’emprim percurs anc 10avel e meglier svizzer.
Hirscher cun in maun vid la culla gronda da cristal
En il classament general da la cuppa mundiala ha Marcel Hirscher pudì augmentar l’avantatg a la testa. L’Austriac ha uss in avantatg da 293 puncts sin il Norvegiais Henrik Kristoffersen.
Rangaziun slalom gigant Kranjska Gora
| 1. Alexis Pinturault FRA | 1:52.18 |
| 2. Philipp Schörghofer AUT | +0.47 |
| 3. Marcel Hirscher AUT | +0.69 |
| 4. Henrik Kristoffersen NOR | +1.12 |
| 5. Mathieu Faivre FRA | +1.54 |
| 6. Manuel Feller AUT | +1.58 |
| 7. Leif Kristian Haugen NOR | +1.59 |
| 8. Victor Muffat-Jeandet FRA | +1.78 |
| 9. Cyprien Richard FRA | +2.08 |
| 10. Justin Murisier SUI | +2.16 |
| 10. Stefan Lutiz GER | +2.16 |
| 12. Carlo Janka SUI | +2.19 |
| 13. Florian Eisath ITA | +2.20 |
| 14. Roland Leitinger AUT | +2.25 |
| 15. Thomas Fanara FRA | +2.30 |
| OUT Gino Caviezel SUI | DNF |
| OUT Felix Neureuther GER | DNF |
RR novitads 14.00