Siglir tar il cuntegn

Header

Purtret dals trais plazzai sin il podest.
Legenda: Marcel Hirscher, Alexis Pinturault e Felix Neureuther (da san.) èn sin podest da l'emprima cursa da la stagiun a Sölden. Reuters
cuntegn

Naziunal/Internaziunal Alexis Pinturault gudogna l'emprima cursa da stagiun

L'Austriac Marcel Hirscher ed il tudestg Felix Neureuther suondan il Franzos sin il podest. Il meglier Svizzer è stà oz Justin Murisier sin il 7avel rang.

L'emprima cursa da Sölden ha cumenzà bain per la Svizra. L'um da Martigny, Justin Murisier è stà terz suenter l'emprim percurs. La fin n'hai dentant betg tanschì per il podest per Murisier. Cun il 7avel rang cuntanscha el dentant ses meglier resultat en il cup mundial.

Suenter Murisier han anc trais ulteriurs Svizzers pudì segirar puncts per il cup mundial. Carlo Janka ha cuntanschì plaz 13, ses collega grischunais Gino Caviezel è vegnì 16avel. Per ina surpraisa ha dentant il giuven dal chantun Sutsilvania procurà. Marco Odermatt, il giuven da 19 onns è stà suenter l'emprim percurs sin plaz 12 ed è la finala sa tschentà sin plaz 17. Sia segunda cursa en il cup mundial po el uschia dentant marcar sco success.

RR novitads 14:00