Siglir tar il cuntegn

Header

cuntegn

Naziunal/Internaziunal Alexis Pinturault sisum il podest dal slalom gigant

A Hinterstoder en l’Austria gudogna il Franzos Alexis Pinturault il slalom gigant da la cuppa mundiala avant l’Austriac Marcel Hirscher ed in segund Franzos, Thomas Fanara.

En il segund percurs ha Alexis Pinturault augmentà l’emprim ses avantatg, suenter ina situaziun delicata ha el dentant duvrà tut per sa salvar. La finala ha el distanzià Marcel Hirscher per 0,79 secundas, e Thomas Fanara per 0,92 secundas.

Hirscher distanziescha Kristoffersen

En il classament general da la cuppa mundiala ha Hirscher augmentà ses avantatg sin Henrik Kristoffersen sin nov 203 puncts. Il Norvegiais ha manchentà sco quart per pauc il podest.

Svizzers cun prestaziuns modestas

Per il segund percurs han sulettamain Carlo Janka e Justin Murisier pudì sa qualifitgar. Murisier ha anc fatg dabun 6 posiziuns ed è sa rangà sco 18avel. Janka percunter ha pers 6 plazs ed è sa classà la finala sco 22avel. Per Carlo Janka è quai dentant stà l’emprima partenza en in slalom gigant quest enviern.

RR Novitads 14:00

Artitgels legids il pli savens