Siglir tar il cuntegn
Inhalt

Naziunal/Internaziunal All Blacks declasseschan Les Bleus

Al campiunadi mundial da rugby en l’Engalterra ha la Nova Zelanda cuntanschì il mezfinal. Ils All Blacks han declassà ils Franzos cun 62:13. En il mezfinal frunta la Nova Zelanda sin l’Africa dal Sid ch’ha gudagnà lur gieu da quartfinal encunter Wales cun 23:19.

Ils All Blacks cun lur saut ritual Haka avant mintga gieu.
Legenda: Ils All Blacks cun lur saut ritual Haka avant mintga gieu. Keystone

Il gieu tranter la Nova Zelanda e la Frontscha è vegnida spetgada cun gronda tensiun. La finala èsi stà in gieu da gala dals All Blacks. Oravant tut suenter pausa ha il favurit e defensur dal titel laschà nagina schanza als Franzos che levan far revantscha per la terrada encunter ils All Blacks en il final dal davos campiunadi mundial il 2011.

Wales dat oda maun la victoria

Ina dira terrada ha Wales stuì magunar. En il stadion Twickenham da Londra manava Wales anc 5 minutas avant la fin encunter l’Africa dal sid. Cun in “try” èn ils Springboks dentant anc vegnids da volver il gieu ed uschia sa qualifitgar per il mezfinal.

En ils dus ulteriurs gieus da quartfinal vegni tar ils duels tranter l’Australia e la Scozia e tranter l’Irlanda e l’Argentina.

RR novitads 06.00