Cun la cursa sin l'Alpe Cermis va il Tour de ski 2019/2020 a fin. Quell'ascenziun vegn anc ina giada a pretender tuttas forzas dals atlets e da las atletas. Tar las dunnas sco er tar ils umens regia anc gronda tensiun tgi che vegn a gudagnar il Tour de ski.
Dunnas: Johaug maina
La Norvegiaisa Therese Johaug maina il classament general da las dunnas cun in avantatg da trais secundas sin sia cumpatriota Astrid Uhrenholdt Jacobsen. Cun medemamain sulet 14 secundas respectivamain 23 secundas retard suondan la Russa Natalia Neprjajewa ed Ingvild Flugstad Östberg.
Las dunnas cumenzan l'etappa a las 13:15.
Umens: Stretg a la testa
En il classament general èn Johannes Hösflot Klaebo da la Norvegia ed Alexander Bolschunow da la Russia quasi cun il medem temp a la testa. Il segund Russ Sergej Ustjugow ha in retard da bun 15 secundas.
Dario Cologna è il mument 10avel en il classament general. Il Jauer ha declerà quest'ultima cursa sco la pli impurtanta dal Tour de ski 2019/2020. Jonas Baumann da Lon è actualmain sin il 21avel plaz.
Ils umens cumenzan l'etappa a las 15:15.
RTR sportissimo 12:00