Siglir tar il cuntegn

Header

Navigaziun

Dus giugaders dals Calanda Broncos en acziun.
Legenda: Per la 10avla giada pudessan ils Calanda Broncos daventar campiuns svizzers. Keystone
cuntegn

American football Calanda Broncos danovamain en il Swiss Bowl

Sonda proxima cumbattan ils Calanda Broncos, l'equipa grischuna d'american football, en il Swiss Bowl a Cuira per il 10avel titel da campiun svizzer en l'istorgia dal club. Ils Broncos che domineschan dapi onns questa scena en Svizra e ch'han gudagnà en questa sesiun la qualificaziun, han cuntanschì quest final, il uschenumnà Swiss Bowl, cun la victoria dal mezfinal la sonda cunter ils Gladiators da Basilea – e quai cun 32 a 20 davant bun 500 aspectaturs a la Ringstrasse a Cuira.

Era il final ha lura lieu a Cuira. Ils Broncos pon uschia en in'emna puspè profitar da l'avantatg da chasa. En il final dal campiunadi svizzer dad american football fruntan ils Grischuns u sin ils Geneva Seahawks u sin ils Grizzlies da Berna. N'emporta betg tgenina squadra che fa il pass en il final, ils Calanda Broncos valan sco grond favurit per il titel.

Il Swiss Bowl vegn giugà sonda, ils 13 da fanadur a las 18:00 a Cuira en il stadion a la Ringstrasse.

RR Sportissimo 12:00