Anderlecht disdi per pauc

René Weiler, il trenader svizzer, perda cun Anderlecht il quartfinal cunter Manchester United pir en la prolungaziun. Er crudà or da l'Europa League è Schalke.

in trenader d'in equipa da ballape motivescha ses giugaders Bild in Lightbox öffnen.

Legenda da maletgs: Il trenader svizzer da Anderlecht, René Weiler, perda pir en la prolungaziun. Keystone

Er en il segund gieu ha Anderlecht fatg paroli al grond favurit Manchester United. En l'emprima mesadad ha l'equipa beltga schizunt gì dapli schanzas. Il 1:0 per ManU è stà cunter il decurs dal gieu e perquai era il 1:1 giustifitgà.

Dramatica è stada la partida tranter Ajax Amsterdam e Schalke. L'equipa tudestga ha equilibrà cun dus gols en la 52. e 56. avla minuta la perdita da l'emprim gieu. En la prolungaziun ha Schalke schizunt pudì agir cun in giugader dapli ed ha uschia realisà il 3:0 en la 101avla minuta. Ajax ha dentant betg dà sì e sajettà dus gols en la fasa finala dal gieu.

Tant en la Europa League sco er en la Champions League na datti quest onn nagins clubs da la Bundesliga pli.

En ils ulteriurs dus quartfinals ha Lyon battì Besiktas Istanbul e Celta Vigo ha gudagnà cunter Racing Genk.

RR novitads 06:00