Siglir tar il cuntegn

Header

Navigaziun

Andri Ragettli en l'aria vid siglir cun skis da freeski.
Legenda: Reuters
cuntegn

Naziunal/Internaziunal Andri Ragettli è campiun svizzer en Big-Air da Freeski

Il freeskier da Flem, Andri Ragettli ha gudagnà la concurrenza sin il Corvatsch ed è campiun svizzer en il Big-Air.

Andri Ragetlli ha gudagnà avant Kim Gubser da Tavau ed avant il campiun mundial Fabian Bösch. Tar las dunnas ha Genna Calonder da Tumein gudagnà la medaglia da bronz. Campiunessa svizra daventa Anouk Andraska, ed argient va a Michelle Raghet.

Bösiger è campiun svizzer en Big-Air da Snowboard

Tar ils sportists cun snowboard ha Jonas Bösiger stà il meglier. Il snowboardist dal chantun Sviz aveva gia cuntanschì en il final da la cuppa mundiala a Québec in plaz sin il podest. Argient ha gudagnà Nicolas Huber e la medaglia da bronz va a Moritz Boll dal center a Tavau. Tar las dunnas ha Carla Somaini persvadì sin l'emprim plaz. Sin il segund e terz plaz suondan Isabel Derungs e Celia Petrig.

RR novitads 10:00