Siglir tar il cuntegn
Inhalt

Naziunal/Internaziunal Andy Murray triumfescha a Wimbledon

En il final ha il Scot battì il Canadais Milos Raonic en trais sets cun 6:4, 7:6 e 7:6. Per Murray èsi stà la segunda victoria a Wimbledon.

Giugader da tennis.
Legenda: Il victur dal turnier da Grand Slam a Wimbledon 2016 sa numna Andy Murray. Keystone

Il numer 2 dal mund ha gudagnà il final cleramain. Il 2013 ha Murray gudagnà a Wimbledon per l'emprima giada. I sa tracta da sia terza victoria ad in turnier da Grand Slam. Fin uss ha el giugà 11 giadas il final dad in turnier grond.

Il Canadais Milos Raonic però è per l'emprima giada en sia carriera sa qualifitgà per in final dad in turnier da Grand Slam. En il mezfinal ha el battì il Svizzer Roger Federer.

Tar las dunnas ha l'Americana Serena Williams gudagnà ses 22avel titel ed uschia egalisà il record da la giugadra tudestga Steffi Graf. En il final ha Willliams battì la Tudestga Angelique Kerber en dus sets.

RR novitads 18:00